Mr. R =>Di ako perpektong tao. Nasasaktan rin ako tulad mo. Umiiyak at natutuwa gaya ng iba.

ANG KAHALAGAHAN NG DALAWANG URI NG 

KAGANDAHAN 

May mga lalake at babae, na ubod ng ganda, kaso ubod naman ng pangit ang kalooban. Dalawa kasi ang uri ng kagandahan. (a) Panlabas at (b) Panloob. Kaso yung una kong binanggit ang madalas na pinapansin kasi ito yung mas nakikita ng mga tao. Yung pangalawa, hindi mo makikita hangga't makilala mo yung tao.

Ano ba ang kahalagahan ng dalawang ito?

Ang panlabas na kagandahan, ito yung nakakaakit at nakakakuha ng atensyon ng iba. Yung tipong mapapatingin ka ulit at mapapasabi ng "SHET ANG GANDA! SHET ANG GWAPO!" Madalas itong pinagkakaabalahan ng mga tao, kaya nga nauso ang mga cosmetics at plastic surgery para panatilihin ang "ganda" nila.

Pero mahalaga nga ba ito? Sa mga artista at mukha ang puhunan na trabaho, siguro oo. Pero sa iba? Hindi ba't nawawala lang rin ito kapag tumanda na tayo? Mas dapat ba itong pahalagahan kaysa sa pangalawang uri ng kagandahan?

Ang panloob na kagandahan ng isang tao ay hindi sa mukha o sa katawan nakikita...ngunit sa kanyang ugali. Mayroong mga gwapo at magaganda na binabalewala na lamang ito. Akala nila, angat na angat sila dahil kutis baby ang mukha nila, pero sing-baho ng poso negro ang ugali. At dahil dito, nagagawa nilang tapakan ang ibang tao, iniisip na nakakahigit sila.

Mayroon ring mga taong walang pakialam kung ano man ang itsura nila, basta nakakatulong sa kapwa ay okay na. Para sakin, ito ang tunay na kagandahan. Hindi nakikita, pero nararamdaman, at ginagamit sa tama.

Ikaw, tunay ka bang maganda/gwapo? 

smile emoticon

 ..

="Mr. R"=